venres, 5 de xullo de 2024
domingo, 26 de maio de 2024
A CASA NATAL DE SARMIENTO
 |
| Aspecto da Casa Natal de Sarmiento pouco antes de ser derruída |
 |
| Inauguración da placa e arranxo da fachada en 1995 no 300 aniversario do nacemento de Sarmiento en Vilafranca do Bierzo |
 |
| Detalle da fachada nos anos 90 antes de ser adecentada |
 |
| Detalle da antiga placa colocada nos anos 60 na fachada da Casa Natal de Sarmiento |
sábado, 25 de maio de 2024
A COMISIÓN CULTURAL MARTÍN SARMIENTO
 |
| Acto de homenaxe a Martín Sarmiento, charla de Xesús Alonso Montero no Teatro de Vilafranca 1995 |
Precedentes
En 1995 con motivo do 300 aniversario do nacemento de Martín Sarmiento houbo varios actos institucionais en Vilafranca do Bierzo, pero houbo un que organizou en concreto a Asociación Cultural Escola de Gaitas desta vila que homenaxeu ao ilustrado dedicándolle as III Xornadas da Cultura e Lingua Galegas no Bierzo celebradas en 16 de setembro no Teatro e a Memoria escrita que se publicaría posteriormente.
O nacemento da Comisión
A Comisión Cultural
Martín Sarmiento naceu como unha plataforma de asociaciois impulsada pola Escola de Gaitas de Vilafranca coa intención de
divulgar e difundir a figura, a obra e o modus operandi do erudito na súa vila
natal e na comarca do Bierzo. Nacía no vrau do 2001 ao ser anunciado que o Día das
Letras Galegas do ano seguinte a Academia Galega homenaxearía ao Padre
Sarmiento.
Os seus obxectivos
Renderlle unha nova
homenaxe a Sarmiento, natural de Vilafranca do Bierzo, manifestando a nosa
intención de sumarnos a celebración no ano 2002 das LETRAS GALEGAS, ano no que
ía ser homenaxeado en toda Galicia.
Solicitar da Real
Academia Galega a nosa intención de albergar os actos do 17 de
maio.
Solicitar da Xunta de
Galicia e a Junta de Castela y León a sinatura dun convenio para a
reconstrución da Casa Natal de Martín Sarmiento en Vilafranca como centro das
Artes e a Cultura no Camiño a Compostela e Centro de Divulgación da obra do
erudito.
Pór en marcha iniciativas
que permitan colocar o noso patrimonio histórico-artístico, cultural e natural
en relación directa coa polifacética obra de Martín Sarmiento para asentar unha
oferta cultural atractiva incorporando de forma efectiva a vida, obra e pensamento
do ilustrado como baluarte do noso conxunto patrimonial.
As primeiras actividades desenvolvidas
En primeiro lugar, a
Comisión ocupouse de que no Día das Letras do 2002 houbese unha presenza institucional en Vilafranca para o que se iniciaron
unha serie de xestiois coa Alcaldía e coa propia Academia que chegaron a bo
porto pois o 18 de maio, por vez primeira na súa historia, realizouse un
plenario da Academia Galega no Teatro de Vilafranca do Bierzo, a segunda sesión
de homenaxe ao ilustrado galego-berciano que tivera o seu principio en
Pontevedra o día anterior.
A Comisión Cultural
realizou actividades ao longo dese ano Sarmiento e acordou seguir realizándoas
anualmente arredor do 9 de marzo, data do seu nacemento.
Á vez fíxose un
seguimento ao asunto da rehabilitación da CASA NATAL que polo de agora vén sendo o apartado con
resultados máis negativos denominada SARMIENTO
E O CAMIÑO que traballa a dimensión das viaxes e o patrimonio histórico-artístico
e que a pesar de lograr apoios significativos, como o do Consello da Cultura
Galega, non acadou o seu principal obxectivo, o da creación dese centro
cultural na casa natal de Sarmiento (podes saber máis noutra sección específica neste blog).
Xurdiron pola contra noutros
ámbitos iniciativas que se van consolidando e teñen transcendencia. A Asociación Cultural Escola de Gaitas de
Vilafranca do Bierzo que forma parte parte constituínte da denominada COMISIÓN
CULTURAL SARMIENTO, presentou no 2002 dous proxectos relacionados directamente
e dun xeito moi práctico coa promoción e fomento do uso do galego no Bierzo:
SARMIENTO E A LINGUA NO BIERZO
A filosofía que move dito proxecto procura a consolidación e facer medrar o uso do galego no Bierzo. A Escola organizara nos anos 90 as denominadas Xornadas da Cultura e Lingua galegas no Bierzo (podes ver algunha información cartel sarmientocomplementaria na seguinte ligazón web) antes da introdución do galego nos centros de Ensino. Dende a Comisión Cultural se lles deu continuidade e como desde o 2001 xa había aulas de galego se incorporaron novas propostas como os denominados Intercambios escolares Martín Sarmiento que de xeito anual se veñen realizando á par das Xornadas Martín Sarmiento.
SARMIENTO: ESCOLA, NATUREZA E LINGUA
O desenvolvemento dunha Aula da Natureza Martín Sarmiento foi unha iniciativa que ía ao encontro da recuperación do Museo de Ciencias Naturais dos Padres Paúis en Vilafranca promovendo un convenio de cesión ao Concello de Vilafranca para facer factible dita recuperación. Recentemente coa creación da Asociación Burval, principal dinamizadora do Museo, se vén colaborando con ela para promover a rehabilitación e a incorporación de proxectos relacionados con Sarmiento.
Un dos logros máis recentes da Comisión
Cultural foi consolidar as Xornadas Martín Sarmiento como actividade máis
representativa desta Comisión Cultural e ocupar un destacado papel na defensa e
mellora do Programa de Promoción do Galego nos centros de ensino do Bierzo para
o que se celebra o Día do Galego nos centros escolares ou do Programa do Galego
no Bierzo dende o ano 2014.
AS XORNADAS MARTÍN SARMIENTO 2005-2015
AS XORNADAS MARTÍN SARMIENTO COMEZAN OUTRA ETAPA (2016-2019)
AS XORNADAS MARTÍN SARMIENTO A PESAR DO CONFINAMENTO (2020-2021)
AS XIV XORNADAS MARTÍN SARMIENTO (2022)
AS XV XORNADAS MARTÍN SARMIENTO (2023)
mércores, 22 de maio de 2024
SARMIENTO DESCÓBRENOS A MUIÑEIRA
_dansant_la_gallegada__(19749113588).jpg)
A referencia máis antiga á muiñeira aparece nun
texto de frei Martín Sarmiento en 1745 e a primeira con notación musical é de
1786.
venres, 15 de marzo de 2024
CRÓNICA DAS XVI XORNADAS MARTÍN SARMIENTO
9 de marzo de 2024, ás 19,30. Teatro Enrique Gil
en Vilafranca do Bierzo
PRESENTACIÓN DO DICIONARIO DO GALEGO DO BIERZO
Tras recordar que un 9 de marzo de hai 329 años nacía na nosa vila O Pai das Letras Galegas e unhas breves palabras de benvida a Sara Rodríguez Fernández e a súa publicación, o alcalde de Vilafranca, celebrou esta novidade para comezar o acto facendo uso na parte final da súa alocución da lingua galega.
Acompañaban á autora Marisa Cela da Asociación Escola de Gaitas e Raúl Ochoa do Fiandón berciano, ademais de Héctor Silveiro como coordinador da Comisión Cultural Martín Sarmiento que organizaba estas Xornadas coa colaboración das xa citadas asociaciois. Entre o numeroso público asistente concelleiros do Concello de Corullón eVilafranca. Ao longo do acto proxectáronse varios audiovisuais con textos de Juan Carlos Mestre realizados por Robés.
As distintas intervenciois fixeron fincapé na importancia da recolleita das palabras que este dicionario reúne como referente substancial da identidade berciana, palabras que viviron na oralidade ata que Sarmiento dalgún xeito iniciara ao seu paso polo Bierzo no ano 1745 a súa recolleita consciente. Palabras que serviron para que Morales escribira os seus Ensayos en dialecto berciano en 1861 cuxos Premios escolares se entregan nas propias Xornadas e que autores máis recientes como González -Alegre, Aquilino Poncelas e JC Mestre seguen usando. Falouse da tradicion oral, das dificultades que se van vencendo para que a xente nova faga uso desta parte da nosa cultura que, agora, este dicionario contribúe a afortalar como garantía do futuro para o galego do Bierzo.
Sara Rodríguez, a autora
explicou a xénese do seu traballo, a importancia da súa familia na súa toma de
conciencia e
relación coa lingua, do seu paso polas aulas do Programa de
Promoción do Galego en Cacabelos, da asistencia ás Xornadas Sarmiento como alumna
e, finalmente, como se concretau o proxecto para o seu traballo de fin de grao
en Vigo (TFG) coa colaboración de Alberto Lugrís e de X.H. Costas do
Departamento de Galego da Universidade de Vigo que editou o Dicionario cun
total de 15.000. Sara rematou anunciando unha iniciativa para seguir ampliando
o Dicionario. Trátase do Mego das palabras do galego do Bierzo, unha metáfora
da recolleita que se pretende realizar coa colaboración tanto do alumnado e
docentes do Programa de Galego como das entidades e persoas que queiran achegar
as palabras a través de distintos soportes: un correo electrónico e unha páxina
web. Ademais Sara abriu unha conta de instagram para dinamizar este proceso.
 |
| Sara Rodríguez asinando exemplares |
 |
| Tras do evento algo de música. |
12 de marzo de 2024 ás 9,30 Cine Faba
SESIÓN CO ALUMNADO DE SECUNDARIA
PRESENTACIÓN DAS PROPOSTAS DIDÁCTICAS
PARA O DICIONARIO DO GALEGO DO BIERZO.
A Comisión Cultural Martín Sarmiento e Sara Rodríguez presentaron a proposta-reto da recolleita de 1000 palabras máis para o Galego do Bierzo, o Mego das Palabras, unha ampliación do Dicionario que se pretende realizar ao longo deste ano 2024 coa idea de que na celebración das próximas Xornadas se supere ese número de mil novas entradas que vaia fornecendo unha segunda edición do mesmo. Tras da presentación do Dicionario e a iniciativa estableceuse un diálogo cos docentes e alumnos/as de Secundaria presentes para estabecer unhas primeras estratexias de como abordar esta empresa.
Instagram: diccionariodogalegodobierzo.
Web: ogalegodobierzo.org
Correo electrónico: dicionariodogalegodobierzo@gmail.com
 |
| Alumnado e profesorado de Secundaria do Programa de Promoción nas portas do Cine Faba |
SESIÓN CO ALUMNADO DE PRIMARIA
PROMOCIÓN DA LINGUA GALEGA NO BIERZO 2024
IV PREMIOS MORALES PARA A
PROMOCIÓN DA LINGUA GALEGA NO BIERZO 2024
Ante o alumnado de Primaria procedente de 11 centros de distintos puntos do Bierzo, todos eles alumnos/as que cursan o Programa de Galego do Bierzo, as autoridades presentes puxeron en valor as actividades a prol da lingua galega no mundo do ensino e deron os parabéns aos gañadores antes de facer entrega dos IV Premios Morales.
Interviñeron os tres concellos colaboradores: Cacabelos, Corullón e Vilafranca, as entidades culturalis do Instituto de Estudios Bercianos eo Instituto Leonés de Cultura, ademais de Francisco Javier López Inspector de Educación Provincial de Léon do Programa de Promoción do Galego, Olegario Ramón o Presidente do Consello Comarcal e Valentín García o Secretario General de Política Lingüística da Xunta de Galicia.
ACTUACIÓN DE PACO NOGUEIRAS: C@NTO CONTIGO
A seguir o Cine Faba encheuse cos sons e as canciois de Paco Nogueiras que desenvolveu os temas da súa actual xira denominada Canto contigo. Os centos de rapaces e rapazas acompañados dose das docentes bailaron e cantaron eilí reunidos para celebrar deste xeito lúdico e festivo o Día do Galego do Bierzo.
MESA DE TRABALLO: AS ARELAS DE SARMIENTO
Nas salas do Museo MARCA de Cacabelos.
TEMAS TRATADOS
- Convocatorias das XVII Xornadas Martín Sarmiento e da Vª edición dos Premios Morales.
- Recuperación e xeolocalización da Toponimia berciana.
- Decálogo de solicitudes ás autoridades educativas sobre o Programa de Promoción do Galego do Bierzo.
Medios e redes
martes, 5 de marzo de 2024
O DICIONARIO E OS PREMIOS MORALES AS DÚAS CARAS DO DÍA DO GALEGO DO BIERZO
9 e 12
DE MARZO 2024, AS XVI XORNADAS MARTÍN SARMIENTO.
O
DICIONARIO DA GALEGO DO BIERZO E OS PREMIOS MORALES AS DÚAS CARAS
PARA O DíA
DO GALEGO DO BIERZO 2024
A celebración no Bierzo do 9 de marzo é
consecuencia dun proceso que comezou na última década do século XX (as Xornadas
da Lingua e Cultura Galegas no Bierzo dos anos 91,92,93 e 94) que atoparon
continuidade a partir da homenaxe que
Martín Sarmiento tivo no 2002, ano no que a Academia Galega escolleu para
honrar ao sabio ilustrado co Día das Letras Galegas. Para evitar confusiois e
significar esta data a Comisión Cultural
Martín Sarmiento de Vilafranca do Bierzo, sendo a súa organizadora, decidiu
apostar polo día 9 de marzo, día do natalicio de Pedro José García Balboa nesta
vila, como a data ideal para a realización anual das denominadas Xornadas Martín Sarmiento na procura
dunha continuidade do conxunto de iniciativas que arredor da obra e o modus
opperandi do frade bieito se puxeron en marcha co cambio do milenio coa lingua
galega como protagonista. Tamén desde o
curso 2001-2002 se comezou a implantar o
Programa de Promoción do Galego nalgúns centros de ensino na comarca e a Comisión Cultural Martín Sarmiento produto
dos actos escolares neses centros de ensino da comarca (nos que incluímos tamén
a Escola de Idiomas de Ponferrada) fraguamos a incorporación da denominación do
Día
do Galego no Bierzo para este día.
O ano
2023 as Xornadas Martín Sarmiento
retoman o seu formato habitual despois da pandemia e, ademais das actividades lúdico-festivas, fixemos coincidir por primeira vez coa
entrega dos Premios Antonio Fernández
Morales (tamén de carácter escolar), como un elemento relevante destes
actos con centos de escolares bercianos de distintos niveis para conmemorar a
data. Ligamos así esta celebración ao autor que viviu e está soterrado en
Cacabelos, coñecido por ter publicado en 1861 máis de 8000 versos no galego
oriental baixo o título de Ensayos
poéticos en dialecto berciano.
Por que esta insistencia no mundo do
ensino? Pois por unha razón moi sinxela, a ensinanza atópase na vangarda da
reivindicación da lingua no Bierzo desde o 2002, tras dunha longa demanda da
sociedade civil, ano no que comeza a funcionar na comarca o Programa de Promoción do Galego no Bierzo e
grazas a un acordo asinado polas autoridades educativas da Xunta de Galicia e da Junta
de Castilla y León e como consecuencia, e do logro, de incluír no Estatuto de Autonomía castelán-leonés a
protección do galego nos territorios galegofalantes.
O desenvolvemento deste programa, voluntario e
tímido, de introdución que xa leva 22 anos nas aulas dalguis centros do Bierzo
e, soubo sumar mesmo un centro da Seabra de Zamora e consolidar unha matrícula
que supera os mil alumnos/as, síntoma do éxito que supuxo e da boa acollida que
ten entre as familias, pero pola contra ten que soportar unha morea de
obstáculos e despropósitos por parte das administraciois educativas que
acordaran a posta en marcha do Programa, singularmente a que resulta ser a súa
última responsable, a Junta de Castilla y
León. O curso pasado, en concreto, e o comezo do presente non foron a este
respecto nada exemplares e son unha mostra evidente da precariedade na que
subsiste ademais dunha clara evidencia da necesidade dunha reforma que o
normalice e asente no currículum escolar que se oferta.
Outramente debemos subliñar que este ano 2024,
unha berciana que cursou o Programa de
Promoción do Galego, que ao seu paso polo instituto participou activamente
nas Xornadas Martín Sarmiento veu a
reconfortarnos e evidenciar a importancia destas iniciativas a prol da lingua.
Sara Rodríguez Fernández acaba de presentar o primeiro Dicionario do Galego do Bierzo que editou a Universidade de Vigo
como fruito do seu traballo fin de grau (TFG), un dicionario de 15.000 entradas
do léxico galego berciano. Esta alegría inmensa permite, por un lado, presaxiar
un futuro mellor para os amantes da lingua e, á vez, reforzar o noso compromiso
coa superación dos atrancos actuais procurando seguir dando pasos cara adiante
na consolidación dos ámbitos tradicionais do seu uso e a creación de novos
espazos para o galego do Bierzo.
É por todo o dito polo que esta nova edición
das Xornadas, a décimo sexta, terá tres obxectivos centrais que abordar. En
primeiro lugar e de xeito destacado, presentar o Dicionario do Galego do Bierzo,
desenvolvendo, a partir desta ferramenta tan útil que nos proporciona
Sara, propostas didácticas que fagan partícipes deste traballo de recolleita da
memoria viva da lingua ao conxunto a docentes e alumnado do Programa do Galego do Bierzo, procurando
o contaxio dun número cada vez maior de Bercianos e bercianas neste proceso de
recuperación da nosa identidade. En
segundo lugar, reclamar a reforma do Programa
de Galego do Bierzo de cara á mellora e ampliación do mesmo co obxectivo de
consolidar os estudos desta lingua propia desta nosa comarca. Finalmente,
manifestar a nosa intención de seguir ofrecendo un programa renovado de
iniciativas e de experiencias ao redor destas Xornadas, dos Premios Morales e desta data do Día do Galego do Bierzo.
As XVI
Xornadas Martín Sarmiento terán, pois, dúas datas e dous lugares de
referencia. O sábado 9 de marzo celebraremos por todo o alto o día do nacemento
do Pai das Letras Galegas na súa vila
natal cun acto no Teatro de Vilafranca no que se presentará o Dicionario do Galego do Bierzo de Sara
Rodríguez, un traballo que dalgún xeito comezara o propio Sarmiento na súa
viaxe a Galicia no 1645 no que comeza recollendo un bon número de palabras e
acepciois nestas terras bercianas. Debemos a edición do mesmo ao Departamento de Galego da Universidade de
Vigo. Mellor homenaxe seguramente non poderá ter o
noso ilustrado bieito.
A outra data, o martes 12 de marzo, tamén terá
como centro de interese o Dicionario, neste caso para desenvolver unha serie de
experiencias didácticas tanto de coñecemento da nosa riqueza léxica, recollida
xa por Sara Rodríguez, como á vez a proposta de participación no proceso de
ampliación do número de entradas do Dicionario no que se pretende implicar a
docentes e alumnado do galego en primeiro termo.
Ademais este día 12 de marzo no que os actos
se realizarán en Cacabelos, farase entrega dos Premios Morales para a Promoción da Lingua Galega do Bierzo que
celebra xa a súa IV edición nun acto lúdico subvencionado pola Dirección Xeral
de Política Lingüística da Xunta de Galicia no que estarán presentes centos de
escolares do Programa de Promoción Galego
do Bierzo que se imparte en 4 institutos, e 11 centros da comarca de
educación primaria.
Non deixaremos de aproveitar a presenza dunha
serie de autoridades da Xunta de Galicia e da Junta de Castilla y Léon para, no
transcurso dunha reunión de traballo, trasladarlles as nosas reclamaciois e
intentar concretar con elas, que conforman a Comisión de Seguimento do Programa de Promoción do Galego no Bierzo, á vez outras propostas que pretendemos poñer
en marcha co apoio da Real Academia
Galega, do Consello Comarcal e outras entidades bercianas dándolle continuidade
ao Decálogo Novos Espazos para o Galego no Bierzo.
Héctor M. Silveiro Fernández, coordinador da
Comisión Cultural Martín Sarmiento de Vilafranca do Bierzo e membro
correspondente da RAG polo Bierzo.
domingo, 3 de marzo de 2024
AS XVI XORNADAS MARTÍN SARMIENTO
AS XVI
XORNADAS SARMIENTO EN VILAFRANCA
PRESENTACIÓN
DO DICIONARIO DO GALEGO DO BIERZO
ENTREGA E NOVA CONVOCATORIA DOS
PREMIOS MORALES EN CACABELOS
O martes 12 de marzo en
Cacabelos celebraremos o Día do
Galego nos Centros Docentes do Bierzo. Este edición os alumnos/as reunidos
desenvolverán unha actividade ao redor do Dicionario
do Galego do Bierzo, como ferramenta didáctica e garantía de futuro da
lingua na comarca. Ademais de promocionar o
PREMIO MORALES que teñen como lema este curso “O San Roque en Paradela”. Antonio Fernández Morales, autor ligado a
esta vila berciana onde viviu e está soterrado, é o cantor por excelencia do
galego do Bierzo. Os intercambios
didácticos e lúdicos das Xornadas para alumnos/as do Programa de Galego vidos
de distintos centros de ensino de todo o Bierzo presumen de cultura e
identidade. Temos a certeza de que máis aló das aulas este sentimento
estámosllo a contaxiar a outros sectores da sociedade berciana que perciben que
vai sendo hora de mellorar o acordo de Promoción da Lingua Galega que leva 22
anos aplicándose e reclama maior atención e un novo pulo.
Os actos levaranse a cabo no Cine Faba
no que se realizará a entrega de premios, presentación de novas secciois da web:
OGALEGONOBIERZO.ORG e a convocatoria da Vª edición dos Premio Morales 2025.
A Comisión Cultural “Martín Sarmiento”
de Vilafranca, os centros docentes do Programa do Galego na comarca, a Real
Academia Galega, as autoridades educativas autonómicas, entes culturais como O
Fiandón Berciano e o Instituto de Estudios Bercianos, alcaldes do Bierzo e o
seu Consello Comarcal manterán un encontro de traballo de cara a programar
outras iniciativas coa fin de seguir abrindo novos espazos para o galego no
Bierzo.
Sábado 9 de marzo 2024, ás 19,30 horas
no Teatro “Enrique Gil” de Vilafranca
PRESENTACIÓN DO
DICIONARIO DO GALEGO DO BIERZO
Coa
presenza da autora, a berciana Sara Rodríguez Fernández,
acompañada
de Marisa Cela da Asociación Cultural Escola de Gaitas de Vilafranca, Raúl Ochoa
do Filandón berciano e Héctor Silveiro da Comisión Cultural Martín Sarmiento.
Martes 12 de marzo, a partir das 9,30
no Cine Faba en Cacabelos
1.ª SESIÓN MATINAL :
9,30 APERTURA DO INTERCAMBIO DE
SECUNDARIA: O DICONARIO DO
GALEGO DO BIERZO MEMORIA VIVA E GARANTÍA DE FUTURO DA LINGUA GALEGA NA COMARCA.
Baixo a dirección da súa autora Sara Rodríguez e a proposta da Comisión
Cultural Martín Sarmiento porase en
marcha unha proposta didáctica dirixida aos docentes e alumnado do galego do
Bierzo de Secundaria coa idea de difundir os contidos deste Dicionario e
ampliar nun futuro próximo o número de entradas desta primeira edición.
Participarán tamén nesta experiencia outras entidades bercianas interesadas. Asistirán os alumnos/as do Programa de Galego
de SECUNDARIA dos centros:
IES
Padre Sarmiento (Vilafranca)
IES
Bergidum Flavium (Cacabelos)
IES
Europa (Ponferrada)
IES Virgen de la Encina. (Ponferrada)
Alumnos/a de Galego da EOI de Ponferrada.
2.ª
SESIÓN MATINAL : CINE FABA
11,30 APERTURA DA SESIÓN DE PRIMARIA:
ACTO DE ENTREGA DE PREMIOS DA IV EDICIÓN
ACTO
DE ENTREGA DE PREMIOS DA IV EDICIÓN DOS PREMIOS ANTONIO FERNÁNDEZ MORALES
Intervirán as entidades e autoridades organizadoras desta IV Edición que ademais de facer entrega dos premios presentarán as novas secciois da WEB: OGALEGONOBIERZO.ORG e anunciarán a convocatoria da V edición dos Premios Morales.
A CONVOCATORIA DA Vª
EDICIÓN DOS PREMIOS MORALES PARA A
PROMOCIÓN DA LINGUA GALEGA NO BIERZO E SANABRIA, impulsados
polo Grupo
As Médulas para a lingua e cultura galegas no Bierzo coa colaboración
das autoridades e entes que tamén contribúen á posta en marcha das presentes
Xornadas.
12,00:
ACTUACIÓN PARA O ALUMNADO DE PRIMARIA:
Actuación musical de PACO
NOGUEIRAS co espectáculo C@nto contigo subvencionada pola
Secretaría Xeral de Política Lingüística da Consellaría de Cultura e Turismo da
Xunta de Galicia. Asisten alumnos/as dos centros de PRIMARIA de:
CEIP San Lorenzo de Brindis de Vilafranca,
CEIP da Quinta Angustia de Cacabelos,
CEIP Valentín García Yebra de Ponferrada,
CEIP Compostilla de Ponferrada,
CEIP Jesús Maestro de Ponferrada,
CEIP San Ildefonso
de Camponaraia,
CEIP Virgen del Carmen de Ponferrada,
CEIP Toral de Meraio,
CEIP M.L.Ucieda de Toural dos Vados,
CRA Carucedo,
CRA Cubillos do Sil,
CRA Ximena Muñiz de Corullón,
CRA Ponte de Domingo Flórez
MESA DE TRABALLO
16,30
h. CACABELOS
(Salón de actos do MARCA)
1º CONVOCATORIA DA Vª EDICIÓN DOS PREMIOS MORALES PARA A PROMOCIÓN DA LINGUA GALEGA NO BIERZO E
SANABRIA. Impulsados polo Grupo As Médulas para a lingua e
cultura galegas no Bierzo coa colaboración das autoridades e entes que
tamén contribúen á posta en marcha das presentes Xornadas.
2º PROPOSTAS DA COMISIÓN CULTURAL MARTÍN
SARMIENTO. Trátase dun
encontro de docentes, autoridades educativas, Real Academia Galega,
administraciois e asociaciois culturais bercianas para realizar un seguimento
das actividades levadas a cabo e concretar novos compromisos coa lingua galega
no Bierzo, entre outros a elaboración do borrador dun convenio de colaboración
entre a Real Academia Galega e o Consello Comarcal e outras entidades culturais do Bierzo.
Subscribirse a:
Publicacións (Atom)
SARMIENTO como pioneiro na recolleita da nosa tradición oral
Acto do Día das Letras 2025 no que cantaron As Tanxugueiras En Galicia as mulleres non son soamente poetas senón músicas naturais. En Cast...
-
AS XVII XORNADAS SARMIENTO EN VILAFRANCA RECUPERAR A TOPONIMIA DO BIERZO OCCIDENTAL, Fernando Cabeza Quiles O próximo domingo 9 de mar... -
Acto do Día das Letras 2025 no que cantaron As Tanxugueiras En Galicia as mulleres non son soamente poetas senón músicas naturais. En Cast... -
.jpeg)
A MESA DAS ARELAS DE SARMIENTO 2025 Intervención do Anderson, Alcalde de Vilafranca na charla Toponimia do Bierzo Occidental do 9 de marzo ...